En agosto e setembro a biblioteca adapta de novo o seu horario á tempada estival. Consultao premendo nesta ligazón.

BOOKCROSSING :: INTERCAMBIO DE LIBROS


Baixo a denominación "Bookcrossing" Solta de libros a BPM de Brión presenta unha nova actividade que vai constar de dúas partes; por unha banda, a "solta de libros" en diversos lugares de Brión; por outra, a creación dun "Banco de libros" na biblioteca.

:: Bookcrossing - Solta de libros::

Dende maio, a biblioteca vai soltar libros en diversos puntos do concello. Estes libros irán etiquetados coa marca "bookcrossing" e estarán dispoñibles en lugares sinalizados como "punto bookcrossing" . A idea é fomentar entre os veciños do concello o intercambio de experiencias lectoras, onde non so participe a biblioteca, senón todos aqueles usuarios que queiran colaborar aportando algún libro que leron e queiran ceibar. Quen o desexe, pode collelo libremente; unha vez lido, agradecemos que volva liberalo para que outra persoa poida gozar del.

Puntos de intercambio "Bookcrossing":
1. Centro Social Polivalente de Brión. Avda. de Santa Minia, nº 46. Pedrouzos

 ::Banco de libros::

Consiste na creación dun fondo bibliográfico, xestionado dende a biblioteca, con achegas de particulares que queiran emprestar libros de seu a outros lectores. Para participar só hai que ser socio da biblioteca, inscribirse no programa e aportar algún libro que queiramos compartir. O libro é propiedade de quen o empresta e pode recuperalo cando desexe. O centro comprométese a xestionar o seu empréstito a outros usuarios inscritos no programa.

A idea é compartir libros que limos nalgún momento e nos gustaría recomendar a outros lectores. Trátase dun intercambio de libros e experiencias lectoras dentro dunha comunidade que queremos vaia medrando. Xa podes participar inscribíndote na BPM de Brión.

Para máis información, chama ao 981 50 99 69 de luns a venres de 16 a 22 horas e os sábados de 9:00 a 14 horas.