HORARIO DE SEMANA SANTA

Do 25 ao 27 de marzo:
Mañás: 10:30 a 13:30 h.
Tardes:16:30 a 19:30 h.

Os días 28 e 29 de marzo a biblioteca permanecerá pechada.

mércores, 22 de febreiro de 2017

A viaxe de Rosalía fai escala en Brión

O día 10 de marzo, venres, o Centro Social Polivalente acollerá o espectáculo de monicreques “A viaxe de Rosalía” de Larraitz Urruzola. A función, dirixida a público infantil e adulto, comezará ás 18:00 h. e prolongarase durante aproximadamente 45 min. A entrada será de balde ata completar aforo.
A actriz Larraitz Urruzola combina nesta obra a interpretación persoal, os monicreques de mesa de grande talla artística así como a manipulación de obxectos acompañada dunha música moi acaída, un vestiario fermoso e dignísimo para os personaxes e das ferramentas da narración oral tradicionais para que coñezamos as pasaxes máis importantes da vida de Rosalía de Castro e a súa obra literaria.
Esta actividade forma parte da programación coa que o Concello de Brión, a través da súa biblioteca pública e Casa da Cultura, homenaxea á autora de “Campanas de Bastavales” na celebración do Día de Rosalía, o 24 de febreiro, cando se cumpre 180 anos do seu nacemento.

0 comentarios :

Publicar un comentario