LEMBRANZA:
O sábado 1 de abril a biblioteca pública municipal permanecerá pechada. Desculpen as molestias. Grazas.

Biblioteca pública municipal de Brión

Estamos na Carballeira de Sta Minia dende 1989.

Un amplo espazo dominado pola luz

Sala xeral. Estudo, lectura e acceso a Internet.

Para os máis pequenos, un espazo de seu.

Sala infantil, cálida e luminosa.

Unha biblioteca aberta ás novas tecnoloxías

Acceso á información a través dos novos soportes dixitais.

Ven, entra e coñécenos

A biblioteca de todos e cada un.

martes, 24 de febrero de 2015

24 de febreiro, Día de Rosalía

Hoxe celebramos o Día de Rosalía (24 de febreiro, día do nacemento da poeta). Unha efeméride na que queremos lembrar a esta insigne figura das nosas letras cun fragmento dun significativo poema seu que vincula a figura de Rosalía co noso concello. Sobran as presentacións...







Campanas de Bastabales:
cando vos oyo tocar,
mórrome de soidades.

Cando vos oyo tocar,
campaniñas, campaniñas,
sin querer torno á chorar.

Cando de lonxe vos oyo,
penso que por min chamades,
e d'as entrañas me doyo.

Dóyome de dor ferida,
qu'antes tiña vida enteira
y hoxe teño media vida.

Sólo media me deixaron
os que d'aló me trouxeron
os que d'aló me roubaron.

Non me roubaron, traidores,
¡ai!, uns amores toliños,
¡ai!, uns toliños amores.

Qu'os amores xa fuxiron...
As soidades viñeron...
De pena me consumiron.


.....

Tomando prestados os versos adicados a Rosalía por Curros Enríquez, so nos queda dicir...
¡Ai, dos que levan na frente unha estrela!,
¡Ai, dos que levan no bico un cantar!

jueves, 19 de febrero de 2015

"La barraca" de Vicente Blasco Ibáñez, vindeira lectura do club

Deixamos as rúas de A Coruña dos anos 60 do pasado século para viaxar ata a Valencia rural de finais do S. XIX. As lembranzas de adolescencia do primeiro amor e a represión política do franquismo deixan paso a unha historia sobre as duras condiciones de vida da poboación campesiña. Falamos da novela “La barraca” de Vicente Blasco Ibáñez, vindeira lectura do club.
O tío Barret vese imposibilitado de seguir traballando a horta que cultivaran os seus antepasados durante xeracións ao non poder pagar o arrendamento ao propietario da terra. Como consecuencia, todos os veciños da aldea, únense para impedir que ninguén volva traballar nesa parcela. Ata que chega Batiste e a súa familia que, impulsados pola necesidade, instálanse no terreo e acceden a pagar o arrendamento correspondente. A partir dese momento veranse infatigablemente acosados polo resto da comunidade, que os acusaba de pregarse ás esixencias do terratenente prexudicando con iso os intereses do colectivo.
Unha obra publicada en 1898 polo valenciano Vicente Blasco Ibáñez, destacado escritor, xornalista e político. Licenciado en Dereito pola Universidade de Valencia, participou en política, significándose pola súa posición antimonárquica e republicana, e manifestando as súas ideas en "Pueblo", o xornal que fundou en 1893. O seu estilo novelesco é influenciado de tendencia naturalista polo escritor francés Emile Zola.
Destacou pola descrición realista de personaxes e paisaxes da horta levantina. Para comentar “La barraca”, unha das súas obras máis significativas, reunirémonos o mércores 11 de marzo a partir das 20:30 h.